Wednesday, September 21, 2011

PEER EDUCATOR TRAINNING NEI MEK.....

Emmanuel Hospital Association Learning site- Samaritan Society buatsaih in tunlai hian Peer Educators te trainning neih pui mek a ni a, Living Hope Ministry P.E te pawh 19 - 23 September chhung hian RD Conference Hall, Chanmari ah trainning an nei a ni. He hun ah hian P.E te bak ah Outreach Worker thar pahnih te pawh an trainning ve nghal a ni. Peer Educator Trainning hi Inhouse Trainning bak hi pawn lamah neih a ni zen zen lo a, tun tum ah hian Grace Inn lam P.E te nen an trainning a ni. Trainning buatsaih tu Samaritan Society te chungah lawmthu kan sawi a, kan PE ten an hlawkpui ngei kan beisei bawk.

AMRO nen Networking

STAKEHOLDER MEETING NEIH A NI

Living Hope Ministry te chuan a kumin chhunga a vawikhat na atan Stakeholder Level Meeting chu August 23, 2011 ( Tuesday) zan dar 7:00 khan Vaivakawn Branch YMA hruaitu te leh Vaivakawn Siamtha Pawl (VSP) te nen neih a ni. He hun ah hian Vaivakawn Branch YMA hruaitu teh leh VSP hruaitu te an kal tha hle. Vaivakawn huamchhung a ruihhlo hluar ta em em leh a tih zia awm dan kawng te sawiho a ni a, ruihhlo do na kawng a thawh ho dan tur ruahman na pawh he hun ah hian siam a ni. Tin, Drop In Centre kal pui dan pawh uluk taka thlir ho a ni a, khawtlang hruaitu te nen a in be rawn in uluk taka kalpui zel nise tiin sawiho a ni. Hun remchang hmasa ber ah in hmuhkhawm leh nise tiin rel a ni.

Health Camp

Kum 2011 - 2012 Project Year chhung a tan a Health Camp neih tur chu August 31, 2011 (Wednesday) khan Kanan Veng Branch YMA te nen tangkawp in Kanan Veng Indoor Stadium ah neih a ni. He hun ah hian Doctor panga in min rawn tlawmngaih sak a, chungte chu.. Dr.Joseph Lalrindika Chawngthu (Ortho),  Dr.Richard CLR Hluna, Dr Ngurnunzami, Dr. Jimmy Lalnunpuia leh Dr.Zirsangliana te an ni. Hei bak ah hian Blessing Home DIC Nurse Nl Lalrinmawii a rawn tel bawk a ni. Hemi ni hian mi 230 chuang an inentir a, tin Laboratory Test hi a thlawn in mi enge maw zat test an ni bawk a ni. Hun remchang min siamsak tu Kanan Branch YMA te leh Kanan veng mipui te chungah Living Hope Ministry chuan lawmthu a sawi tak meuh a ni.
Hetiang hun tha min petu Pathian chu fak in awm rawh se.

Friday, June 24, 2011

Outreach Worker ten Trainning an nei mek.....

Kan Outreach Worker te chu STRC in Trainning  21st - 25th June, 2011 a RRTC Conference Hall a ORW te tana a buatsaih " Trainning Programme on Planning & Communication Module for HRG ( Core & Composite) TIs " an an tel mek. Tin STRC buatsaih tho "Refreshers Trainning on Data Collection Tools"  7th - 10th June, 2011 a neih ah kan Accountant ( 7th June), Nurse( 8th June) & Project Manager ( 9& 10 June)  te an lo tel tawh bawk

ICFAI University, Tripura Zirlai ten Internship Programme an nei mek.....

ICFAI University, Tripura zirlai te chuan Living Hope Ministry ah Internship Programme an nei mek a, Zirlai paruk (6) anni a, May 23, 2011 atanga tan in July 16, 2011 thleng hun an hmang dawn a ni. An awm chhung hian Living Hope Ministry hnathawh dan kalphung te zir in kan hnathawh hrang hrang ah te an tel ve thin dawn a ni. Hetiang Internship Programme hi Living Hope Ministry ah hian tum hnih an rawn neihna a ni ta, a lawmawm kan ti hle...

Living Hope Ministry in Thawktu thar kan nei zel e....

Living Hope Ministry chuan thawktu thar kan nei zel a, Pu Alan Lalmuanpuia, Project Manager a awm tawh loh avangin Accountant ni lai H.Laltanpuia chuan Project Manager hna hi a chelh chho dawn a, tih Accountant thar atan K.Lalremruati chu lak ni in June1, 2011 khan Accountant hna hi a rawn zawm ta bawk a. Tin kan Outreach Worker tanglai Laltanpuia Chawngthu chuan hna dang a hmuh tak avangin Living Hope Ministry a chhuahsan a, kan ui hle a ni hmun ruak ah hian Lalhruaitluanga Renthlei, Hunthar Veng chu a rawn lut ve ta bawka. Kan Outreach Worker fans ngah  tak R.Lalruata chuan M.Th  Pune lama a zir dawn tak avangin min chhuahsan ta bawk. Ruata hmunruak hi H.Vanlalhuma, Vaivakawn in a rawn luah ve ta bawk. Staff thar kan awm belh zel a, a lawmawm hle a, chutih lai erawh chuan chhuak ta te kan ui hle bawk a ni.