Friday, December 12, 2008

World AIDS Day 2008




World AIDS Day 2008 chu MSACS buatsaihin Chanmari YMA Hall-ah December 1, 2008 khan hman a ni a. Project Director Dr. K. Ropari leh mi pawimawh dang ten thu an sawi a, zaithiam Zoramchhani a zai a, NGO pali- Living Hope Ministry, Samaritan Society of Mizoram, JERACOM leh Zoram Taxi Driver Association (ZTDA) atangin zaipawl thiam tak ngaihthlak a ni bawk. HIV/AIDS darh zel tur venna atana thawktu NGO intelkhawm ten hetianga hun hmang tur hian a hma lam atangin ngawrh takin an lo inbuatsaih a, NGO hrang hrangah hla te an zir thin a ni. NGO te inlungrual taka thawk ho dial dial turin kan duhsakna kan hlan a ni.

Thursday, December 11, 2008

Thawktu Damlo

Kan Outreach Worker Nl. Lalhriatpuii Sailo chu pumna avangin December 8, 2008 zanlai tang khan a dam lova. Civil Hospitalah kalpui a nih hnuin anmahni in, Sevenday Tlang-ah enkawl turin hawpui leh a i a. A na hian zual lam a pan zel avangin December 11, 2008 tlai lam khan Aizawl Hospital-ah admit a ni. Tin, kan Peer Counselor thawktu Tv.C.Vanlalzawma (Papuia) pawh kal lam na avangin hun engemaw chen atang khan a bawksawp tawh a, inlamah a la inenkawl rih a ni. Heng kan thawktu damlo tan thahnem ngai takin i tawngtai ang u. He webpage hi midangte pawh lo hrilh chhawng zel turin min rawn tlawhtute kan ngen nghal che u a ni e. Kan lawm e.

Need Assessment Buaipui



Need Assessment hmanhmawh taka thawh a ngaih avangin fieldah leh office-ah Project staff te kan buai hle. Edenthar-ah chuan bialtu ORW damloh vangin staff dang ten tlawmngaiin assessment hi PE te an tihpui a, hlim takin field work chu an zo thei a. December 11, 2008 hian nilengin Office lamah Office work tih chhunzawm leh a ni.

Wednesday, December 10, 2008

Living Hope Ministry Hi

Living Hope Ministry Hi Kum sangbi thar (2000 AD) a Mizorama Thlarau Thianghlim hna thawh danglam tak lo lang chu Thlarau Thianghlim hriak thih (khawihthluk rawngbawlna) a ni a. Vaivakawn Presbyterian Kohhranin September 2001-a hetiang rawngbawlna a buatsaih tuma rawngbawltu inhlawm khawm chuan November 7, 2001 khan rawngbawltu huang tangkai a nih theih beiseiin Living Hope Ministry hi an din a ni. A tirah Presbyterian Kohhran atanga rawn zi chhuak ni mahse Kohhran anga kal lovin non-denominational a ni. He rawngbawlna hian ruihtheih thil avanga harsatna leh beidawnna ruama thute, natna khirh tak tak tawrh avanga beiseina nung nei tawh loten Isua Kristaah beiseina nung an lo hmuh leh theih nana tanpui hi a tum bulbui ber a ni a: hei vang hian a hming pawh hi 1Petera 1:3 – “Isua Krista thawhlehna avangin beiseina nung hmu turin min hring leh a..” tih thu tlawh chhana phuah a ni.

Pathian hruaina chang zelin June 1, 2004 khan Living Hope Ministry Counselling-cum-Drop in Centre (CDIC) hi mi thahnemngaite zarah hawn a ni a. Hemi hnu August 2005 atang khan Mizoram State AIDS Control Society (MSACS) hnuaia Targetted Intervention Project Intravenous Drugs Users (IDU) chu thawh tan a ni ve leh ta bawk. Tunah hian thawktu (Project Staff) mi sawmhnih chuang an awm mek a ni.

About Us:

Our mission is to help those who are hopeless, involve in social evils like injecting drug users, sexually active and abused etc., in the surrounding community by encouraging them to discover God’s plan for their lives so that they better know how to respond to their personal crisis and to learn biblically-based skills that will lead to personal and spiritual growth and have eternal living hope.